GJKKO ka lënë në fuqi masën e sigurisë ‘arrest në burg’ për Lulzim Berishën, ish kreun e bandës së Durrësit i cili u ekstradua dy ditë më parë nga Spanja në Shqipëri. Lulzim Berisha akuzohet per vrasje ndersa u arrestua në shtetin spanjoll në dhjetor të vitit 2023, ai mbante një identitet bullgar.
Gjykata e Posaccme në vitin 2020, caktoi ndaj Berishës masën e sigurisë “Arrest në burg”, për veprat penale “Vrasja me paramendim”, “Vrasja në rrethana cilësuese”, kundër 2 ose më shumë personave dhe “Mbajtja pa leje dhe prodhimi i armëve, armëve shpërthyese dhe i municionit”, të kryera në formën e grupit të strukturuar kriminal.
54 vjecari në bashkëpunim me disa persona të tjerë kanë plagosur 2 persona në vitin 2004, në 2005 ka vrarë me armë zjarri tre persona dhe ka plagosur një tjetër
Lulzim Berisha u arrestua në shtetin spanjoll në dhjetor të vitit 2023 me qëllim ekstradimin drejt Shqipërisë .
Discussion about this post