Ish-kryetari i Komisionit Qëndror të Zgjedhjeve, Kristaq Kume jep argumentat e tij se përse regjistrimi në zgjedhje i Partisë Bindja Demokratike e drejtuar nga Astrit Patozi është i paligjshëm.
Sipas Kumes, kjo vjen për shkak të sistemit zgjedhor dhe regjistrimi i saj sipas tij, dëshmon domosdoshmërinë për ndërtimin e administratës zgjedhore, përfshirë edhe KQZ, jo me përfaqësues të partive politike.
“Tre raportet e fundit e theksojnë këtë nevojë duke e rënditur rekomandimin përkatës ndër rekomandimet prioritare. Angazhimi për zbatimin e tij është i domosdoshëm nëse duam që të hedhim një hap më përpara drejt objektivës për të zhvilluar zgjedhje demokratike”, shkruan kume në rrjetet sociale.
Reagimi i plotë:
Regjistrimi i partise Bindja Demokratike si subjekt zgjedhor nga KQZ, ne mospajtim te hapur me ligjin eshte nje fakt akoma me shume ne mbeshtetje te domosdoshmerise per ndertimin e administrates zgjedhore, perfshire edhe KQZ, jo me perfaqesues te partive politike. Komisionere te tille jane “te kapur” nga partia qe i propozon deri ne masen sa arrijne edhe deri ne mohimin profesional te vehtes.
Ne raportet dhe rekomandimet e vezhguesve nderkombetare dhe atyre vendore por jo vetem, nevoja per te ndertuar nje administrate zgjedhore sa me pak te ndikueshme nga partite politike theksohet ne menyre te vecante.
Tre raportet e fundit e theksojne kete nevoje duke e renditur rekomandimin perkates nder rekomandimet prioritare. Angazhimi per zbatimin e tij eshte i domosdoshem nese duam qe te hedhim nje hap me perpara drejt objektives per te zhvilluar zgjedhje demokratike. Natyrisht edhe nese behet ky ndryshim ai do te jete vetem nje zhvillim qe , megjithe vleren dhe efektin e madh qe mund te kete, nuk mjafton. Por duhet bere me patjeter, ndryshe kot qe harxhohen energji per rregulla me te mira ligjore. Administrata e ndertuar ne baze te propozimeve te partive politike, si tregon edhe ky vendim i fundit i KQZ , me shume se sa angazhohet per te zbatuar ligjin, kujdeset qe vendimi i saj te jete i perputhur me interesin e partise .
(F.GJ/FAXWEB.AL)
Discussion about this post