Ishte pjesë e marrëveshjes për shtypjen e protestave në Shqipëri? Reagon ashpër Pacolli

Ish-zv kryeministri i Kosovës, Behgjet Pacolli ka reaguar lidhur me një lajm të publikuar dje në media, se policia e Kosovës i ka huazuar një sasi gazi lotsjellës, e cila u përdor për shtypjen e protestave të opozitës vitin e kaluar.

Pacolli shprehet se ai nuk ka lidhje me këtë histori, dhe se do të përballet në gjykatë me gazetën që ka publikuar lajmin. Sipas Insajderi, ministri i brenshëm në Kosovë, Ekrem Mustafa i kishte kërkuar konfirmim Pacollit për nënshkrimin e marrëveshjes me palën shqiptare.

“Lexova sot deklaratën e një gënjeshtareje që paska shpifur se gjoja unë qenkam i përfshirë në dërgimin e gazit lotsjellës në Shqipëri! Personi në fjalë ka shpifur qëllimshëm në llogari timen dhe për këtë akt, gënjeshtra e saj do të verifikohet në Gjykatë. Ju përshëndes!”, shkruan Pacolli në reagimin e tij në Facebook.

Insajderi ka siguruar letrën që Mustafa ia kishte dërguar shefit të tij, Behgjet Pacollit. Duhej formalisht edhe “vula” e Pacollit për marrëveshje ndërkombëtare.

DOKUMENTI/ Zbulohet marrëveshja sekrete për të shtypur protestuesit e opozitës në Shqipëri, i përfshirë edhe ministri i Hashim Thaçit