ISIS merr përgjegjësinë e sulmit në Berlin: Ishte ushtari ynë

Shteti Islamik ka marrë përsipër përgjegjësinë e sulmit të shënuar dy ditë më parë në Berlin, ku humbën jetën 12 persona dhe u plagosën 49 të tjerë.

Në njoftimin e ISIS-it ndër të tjera shkruhet: “Ishte ushtari ynë dhe sulmi është një hakmarrje për luftën që po ndodh në Siri.” Xhihadistët e bënë të ditur lajmin përmes agjencisë së lajmeve “Amaq”.

Ky njoftim i grupt terrorist pritet të konfirmohet dhe nga prokurori federal Peter Frenk, që nisur nga mënyra si është kryer sulmi mendon se bëhet fjalë për akt terrorist.

Një ditë më parë, burime të policisë gjermane u shprehën për mediat vendase se personi i arrestuar, azilkërkuesi pakistanez 23-vjeçar, dyshohet se nuk është autori i vërtetë i sulmit. Për shkak të mungesës së provave të mjaftueshme, ai u lirua.

23-vjeçari pakistanez u kap në një park teksa përpiqej t’i largohej vendngjarjes. Mendohet se ka qenë i njohur në radhët e policisë për shkelje të vogla penale, megjithatë nuk ka lidhje me organizatat terroriste. (XH.A/SHUPLAKA)