Në shenjë të nderimit dhe mirënjohjes ndaj kontributit të madh të shkrimtarit Ismail Kadare, Posta e Kosovës ka emetuar pullën postare “Ismail Kadare”. Emetimi i saj bëhet në 80-vjetorin e lindjes së shkrimtarit.
Në deklaratën e saj për mediet vendase, Posta e Kosovës u shpreh se ky është një vlerësim ndaj shkirmtarit shqiptar për kontributin që ai ka dhënë për çështjen e Kosovës.
“Posta e Kosovës ndihet krenare, sepse fondi i pullave postare është pasuruar edhe me imazhin dhe emrin e shkrimtarit tonë të madh. Duke marrë parasysh se një prej qëllimeve kryesore të Postës së Kosovës është promovimi i vlerave kombëtare, ne ndihemi të nderuar që përmes kësaj pulle postare shprehim respekt dhe mirënjohje për kontributin dhe angazhimin e Kadaresë për çështjen e Kosovës. Veprat e tij sot gjenden kudo, në të katër anët e botës, të përkthyera në dhjetëra gjuhë të ndryshme. Edhe kjo pullë postare që nga sot do të udhëtojë me emrin dhe imazhin e tij kudo në botë.”, citohet në deklaratën e Postës së Kosovës. (XH.A/SHUPLAKA)
Discussion about this post