Merr fund sot në mbrëmje aventura e Euro 2020, një kampionati me plot risi për nga mënyra sesi u luajt në disa shtete të ndryshme, me përdorimin e sistemit VAR, e deri te eleminimi në fazë të hershme i disa prej ekipeve të mëdha.
Finalja që luhet sot në Wembly, mes Italisë dhe Anglisë është e gjitha për t’u parë e shijuar, ndërkohë që në Mbretërinë e Bashkuar shumë janë të bindur se ky do të jetë viti i tyre. Pas mbretëreshës, një mesazh për djemtë e ”tre luanëve” e ka dhënë dhe kryeministri Boris Johnson, i cili si shumica e tifozëve mendojnë se: Futbolli po vjen në shtëpi!
Është kjo motoja e një vendi të tërë, Anglisë, në ditën e finales së Euro 2020 kundër Italisë.
Boris Johnson i ka dërguar një mesazh ekipit kombëtar përmes Twitter: “Fat të mbarë Anglisë sonte. Ka qenë një udhëtim i jashtëzakonshëm deri më tani, por të gjithë shpresojmë që të mund të vazhdoni përpara dhe të sillni Europianin në shtëpi “.
We’re all hoping you can go one better and bring it home tonight @England.
Football’s coming home! pic.twitter.com/9As9opK5j9
— Boris Johnson (@BorisJohnson) July 11, 2021
(E.K/Faxweb.al)