Gjykata në Milano ka dënuar me 9 vite burg Maria Giulia Sergio, e njohur ndryshe si Fatima. Ajo konsiderohet në Itali si luftëtarja e parë e huaj që iu bashkua Shtetit Islamik.
Prej dy vitesh, ajo vijon të ndodhet në Siri si luftëtare e ISIS-it, mjaft e rrezikshme.
Veç saj, gjykata ka dënuar me 4 vite babanë e 29-vjeçares dhe me 10 vite bashkëshortin e saj shqiptar.
Mes të arrestuarve dhe të dënuarve renditen veç familjarëve të saj edhe familja shqiptare e bashkëshortit. Donika Coki dhe Seriola Coku, nëna dhe motra e Aldo Kobuzit.
“Fatima” iu bashkua ISIS-it në 2014-ën. Përmes bisedave me familjarët e saj në “Skype”, ajo bënte propagandë pro-xhihadiste dhe u kërkonte familjarëve të saj në shtetit italian, që t’i bashkoheshin. (XH.A/SHUPLAKA)
Discussion about this post