Nën lupë vëzhgimi vihen të gjitha veprimet e Ivanka Trump kur ajo është në takime zyrtare së bashku me të atin. Gjatë vizitës së djeshme në Romë, pas takimit me Papën, Ivanka nuk i ka shpëtuar një gafe.
Duke drekuar së bashku me bashkëshortin e saj në një nga restorantet e qytetit ajo ka ngatërruar futbollistin Giorgio Chinaglia me një shenjtor. Kjo pasi fotoja e tij në lokal ishte vendosur pranë kryqit.
Ajo ka pyetur të zotin e restorantit se kush ishte shenjtori, dhe më pas është informuar se fotoja i përkiste një futbollisti. Duke qenë se futbolli nuk është një nga sportet më të pëlqyera në Amerikë, gafa e Ivankës mund të konsiderohet e pranueshme.
Chinaglia ka luajtur edhe në SHBA, me New York Cosmos, në periudhën 1976-1983, duke u shndërruar në një nga futbollistët më të famshëm të Amerikës. Por, për vajzën e Presidentit Donald Trump, në vizitë zyrtare në Romë, ai ishte krejtësisht i panjohur. (E.K/SHUPLAKA)
