Në seancën gjyqësore që pritet të mbahet ditën e enjte në qytetin Mulhouse të Francës, lideri i AAk-së Ramush Haradinaj nuk ka të drejtë të mbrohet nga avokati i tij, Arianit Koçi, por nga një avokate franceze.
Ky i fundit në intervistën dhënë RTV Dukagjini, bëri me dije se Haradinaj do të mbrohet nga avokatja franceze Rachel Lindon, ndërsa ai pritet të jetë i pranishëm, por në cilësinë e asistentit të saj.
“Ligji në Francë nuk lejon që një avokat i huaj të mbrojë një person që gjykohet në këtë vend. Prandaj, Rachel Lindon do të jetë avokatja që do ta mbrojë zotin Haradinajn në seancën e së enjtes”, ka thënë Koçi.
“Unë do të jem aty për ta asistuar atë. Ajo është një avokate parisiene, dhe e profesionalizuar në çështjen e ekstradimeve”, ka shtuar ai.
Ramush Haradinaj u arrestua më 4 janar, në Aeroportin ndërkombëtar Basel-Mulhouse, në pjesën franceze të tij. Nëpërmjet një deklarate për shtyp, AAK ka dënuar arrestimin e Kryetarit të saj duke e quajtur atë një veprim krejtësisht të padrejtë dhe të papranueshëm. (A.R/SHUPLAKA)
[ngg_images source=”galleries” container_ids=”664″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
