Një aksident shumë i shtrenjtë ka ndodhur në Vancouver të Kanadasë, më saktë në Massey Tunel, ku u përfshinë dy makina super të shtrenjta dhe të shpejta, Lamborghini Huracane dhe Ferrari 458 Italia.
Përplasja ka ndodhur në një tunel në mes Lamborghini Huracane dhe Ferrari 458 Italia.
Shoferët e kanë humbur kontrollin e makinave dhe tani duhet të shpenzojnë shumë para për ti riparuar. Por fatmirësisht, dy shoferët, që të dy rreth të 20-ve kanë shpëtuar pa asnjë lëndim trupor.
Nuk dihet saktë se si ka ndodhur ngjarja, por besohet se Lamborghini Huracane me 610 kuajfuqi ka rrëshqitur me pjesën e pasme duke u përplasur në Ferrarin 458 Itali me 562 kuajfuqi.
Policia ka bërë të ditur se aksidenti nuk ka ndodhur për shkak të konsumimit të alkoolit, por nga mungesa e eksperiencës së shoferëve me makina kaq të shpejta.
Dy të rinjtë pritet të dalin para drejtësisë kanadeze për shkelje të rregullave të qarkullit rrugor. (A.R/SHUPLAKA)
[ngg_images source=”galleries” container_ids=”251″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post