Dasma, muji i mjaltit, udhëtime së bashku e shumë gjëra të tjera kanë bërë që Besi dhe Xhensila të jenë çifti më i komentuar i këtij viti. Tashmë po diskutohet dhe sjellja në jetë e një fëmije.
E ftuar në emisionin “Ëhy Not”, moderatorja Roza Lati i ka vënë në dukje këngëtares Xhensila Myrtezajt faktin që njerëzit mendojnë se për të ka qenë gjithçka e thjeshtë pasi ka pasur gjithmonë Besin pranë duke i paguar gjithçka.
“Në fakt do tregohesha mosmirënjohëse dhe e pavërtetë nëse nuk do thoja që Besi ka qenë një ndihmë e madhe për mua. Besi që në fillim mbaj mend më ka thënë një shprehje: ‘Xhensila unë ty do të të ndihmoj, do të jap një dorë, si shok pastaj si partner, që ti nesër të kesh diçka tënden dhe mos t’ja shtrish dorën askujt. Dhe unë jam këtu sot, bëj koncerte dhe çdo klip, çdo këngë, çdo veshje janë shpenzim i imi. Patjetër që marr dhurata nga Besi, por më besoni që unë punoj fort për të pasur gjërat e mia”,- u shpreh Xhensila.
