Legjenda e Argjentinës, Diego Armando Maradona vazhdon të sulmojë persona të ndryshëm për situatën e vështirë që është duke kaluar kombëtarja Argjentianase në Botërorin ‘Rusi 2018’.
Si fillim Maradona ka sulmuar trajnerin Sampaoli duke thënë se nuk ka bërë zgjedhjen e duhur të lojtarëve për në Botëror, por pas këtij, Maradona ka sulmuar presidentin e Federatës Argjentinase.
“Jam shumë i nervozuar aq sa nuk mund ta shpjegoj dot. Jam i tërbuar, sepse kush e ka veshur këtë fanellë nuk mund ta shohë Argjentinën të katandisur në këtë gjendje, të masakruar nga Kroacia, që nuk është Brazili dhe as Spanja. Fajtori për gjithçka është presidenti Tapia, i cili nuk ka personalitet dhe nuk e di çfarë është futbolli”, ka thënë Maradona.
Argjentina ndodhet në Grupin D ku renditet në vendin e fundit me vetëm një pikë të grumbulluar, ndërsa grupin e kryeson Kroacia me 6 pikë e ndjekur nga Nigeria me 3 pikë dhe Islanda që renditet e treta me 1 pikë.
Ndeshjet mes të dy këtyre çifteve do të luhen sot, ndërsa skuadra e Sampaolit duhet ti falet fitores së kroacisë, dhe një rezultati po fitues të saj ndaj Nigerisë, që të mund të kualifikohet.
(E.K/FAXWEB.AL)
Discussion about this post