“Jelek verdhët” në Francë kanë frymëzuar qytetarët e Belgjikës të cilët protestuan nëpër rrugët e Brukselit kundër qeverisë duke i kërkuar asaj dorëheqjen.
Policia belge deklaroi se protestuesit nuk kishin paraqitur asnjë kërkesë zyrtare për të mbajtur një demonstrim të tillë.
Qytetarët janë kundër çmimit të karburanteve për të cilin akuzojnë drejtpërdrejt qeverinë.
Ndërkohë që një nga thirrjet më të përdorura nga protestuesit është: “Michel, jep dorëheqjen”, kryeministri belg, Charles Michel u është përgjigjur me ironi duke u thënë atyre se paraja nuk bie nga qielli
Protestuesit që mbajnë veshur jelekët e verdhë fosfarishent, sikurse i pamë edhe në Francë, u bëjnë thirrje shoferëve belg që të paraqesin ankesat e tyre në lidhje me çmimet e karburantit, dhe nga ana tjetër akuzojnë koalicionin qeverisës se po iu vë një barrë të panevojshme familjeve me të ardhura të ulëta.
(F.GJ/FAXWEB.AL)
