Gripi dhe virozat ka prekur një pjesë të madhe të njerëzve në këto ditë të ftohta dimri. Virozat sjellin shqetësime tek pjesa më e madhe e njerëzve, sidomos tek tek fëmijët. Temperaturat e larta, lodhje, ethe janë disa nga simptomat që na shfaqen. Por si ta kalojmë një grip sa më shpejt dhe në mënyrë efektive?Këto janë disa këshilla për të cilat luftohen virozat e stinës, shkuan Klan Tv.
1-Hani një lugë mjaltë. Mjalti jo më kot është konsideruar si ilaç sepse ka aftësinë që të zbus grykët dhe të lehtësoj irritimin e tyre.
2-Ushqehuni me supë pule dhe me perime. Studiuesit shprehen se supa e pulës ka aftësinë të ngadalësojë lëvizjen e rruazave të bardha të gjakut që luftojnë infeksionet, dhe kur këto rruaza lëvizin më ngadalë ato kalojnë më shumë kohë në atë pjesë të trupit, që ka nevojë për to.
3-Bëni gargarë me ujë të ngrohtë dhe kripë. Kripa ka veti që të vrasë patogjenet që shkaktojnë sëmundjet.
4-Hidhni disa pika vaj në një tenxhere me ujë të zier dhe thithni avullin. Është një mënyrë e mirë që të lirohen rrugët e frymëmarrjes.
5-Pini shurup të bërë me manaferra të zeza. Manaferrat e zeza ndihmojnë në lehtësimin e dhimbjeve dhe reduktojnë deri ne dy herë simptomat e gripit.
6-Pini shumë lëngje dhe ujë. Kur jeni sëmurë doktorët rekomandojnë deri në 2 litra ujë në ditë, sepse uji përdoret si filtër për të pastruar organizmin.
7-Përdorini ushqime që kanë zink. Zinku është i rëndësishëm në organizëm dhe nëse merret në kohë, shkurton ciklin e sëmundjes, duke e përgjysmuar.
8-Bëni të paktën 7 orë gjumë. Është e rëndësishme që të bëni gjumë të rregullt. Një studim i fundit doli në konkluzionin se njerëzit të cilët flinin 8 orë gjumë ishin më pak të rrezikuar të prekeshin nga virozat dhe gripi sesa ata që flinin më pak.
9-Beni pjesë të vaktit tuaj, kërpudhat. Kërpudhat kanë aftësinë që të forcojnë imunitetin duke reduktuar rrezikun e prekjes nga gripi.
10-Konsumoni kos në mëngjes. Studimet kanë treguar se njerëzit që hanë kos në mëngjes, kanë 12% më pak rrezik të preken nga infeksione respiratore, sesa ata persona që nuk e konsumojnë. (J.V/Shuplaka)
