Edi Rama sfidon deputetët në Kuvend duke ju kërkuar të dalin të pyesin në bizneset nga Zogu i Zi drejt autostradës Tiranë-Durrës dhe të shohin nëse bizneset nuk kërkojnë nga 1 deri në 50 punonjës. Kjo sipas Ramës tregon se punë ka, por jo për juristë ”që kanë përfunduar me diplomë Kristali”.
”Nga shtatori 2013 sipas librave të shtetit jo ato sipas qejfit ishin 873 mijë e 291 punonjës, sot 1 milion e 38 mijë e 189, pra janë 173 mijë më shumë. Ky është punësimi!
27 mijë vende në Zyrat e Punës dhe unë ju sfidoj! Ju merrni rrugën nga Zogu e Zi deri në autostradë po gjetët një biznes që nuk ka një vend të lirë pune, ka ndonjë derë ku trokasin, atje ka nga minimumi një deri në 50 vende të lira pune. Pse nuk mbushen? Me juristët që prodhuat ju? Nuk mbushen dot se ata nuk kërkojnë juristë me Kristal, ata kërkojnë zanatçinj!”, u tha Rama deputetëve.
”2239 kompani të huaja me aktivitet të bazuar në kapitalin 100% të huaj që janë regjistruar në 3 vitet e fundit.”, dha Rama shifrën lidhur me bizneset e huaja me kapital tërësisht të tyre.
Discussion about this post