Kancelari gjerman flet nga Brukseli: Ballkani Perëndimor ka 20 vjet që pret integrimin në BE, premtimin tonë ta bëjmë të besueshëm

Në hyrje të Samitit të 26 vendeve anëtare të Bashkimit Europian ka folur edhe kancelari gjerman Olaf Scholz, i cili u ka thënë gazetarëve se vendet e Ballkanit Perëndimor meritojnë një shans real për t’u anëtarësuar në BE.

“Qytetarët në Ballkanin Perëndimor kanë pritur për gati 20 vjet mundësinë për t’u bërë anëtarë të Bashkimit Evropian.

Është shumë e rëndësishme që ky të bëhet një premtim i besueshëm sepse përpjekjet e shumta që këto vende kanë ndërmarrë duhet në fund të çojnë në pranimin e tyre”, shtoi ai, duke theksuar se Gjermania do të punojë drejt këtij qëllimi.