Kancelarja gjermane Angela Merkel edhe njëherë tjetër vërteton se është e pamposhtur, pasi është rizgjedhur për herë të nëntë radhazi si kryetare e partisë së saj, CDU.
Në votime morën pjesë plot 950 delegatë demokristianë dhe Merkel ka fituar 89.5% të votave të tyre.
Megjithatë duhet theksuar se këtë radhë kancelarja gjermane ka marrë gati 7%më pak vota se në zgjedhjet e kaluara. Kjo sepse Kongresi i Partisë i dy viteve më parë i dha asaj plot 96.7% të votave.
Një nga pikat kritike më të diskutuara në këtë kongres ka qenë çështja e refugjatëve. Toleranca e kancelares ndaj tyre mendohet të ketë ndikuar në uljen e besueshmërisë ndaj saj. Megjithatë, duhet theksuar se numri i refugjatëve ka ardhur duke u ulur pasi vetë Merkel ka marrë masa më të rrepta.
Discussion about this post