Kanosi me armë zjarri të vëllain, arrestohet pas disa orësh ndjekje 36 vjeçari

Një 36 vjeçar është arrestuar pas disa orësh përndjekje nga policia pasi kanosi me armë zjarri vellain e tij.

Shtetasi me iniciale E.P, në oborrin e banesës për motive pronësie ka qëlluar disa herë në ajër duke kanosur vëllain e tij me iniciale K.P 30 vjeç dhe më pas është larguar nga vendi i ngjarjes.

Gjithashtu, atij iu sekuestrua arma e zjarrit automatik dhe 354 fishekë.

Njoftimi zyrtar:

Policia parandalon pëshkallëzimin e mëtejshem të një konflikti në familje

Falë reagimit në kohë e me profesionalizëm, dhe pas disa orë ndjekjeje u kap në malin e Troshanit personi që kanosi vellain me armë zjarri.

Sekuestrohen 1 armë zjarri kallashnikov me 2 krehëra dhe 354 fishekë luftarakë

Specialistët e Seksionit për Hetimin e Krimeve në Komisariatin e Policisë Lezhë, bënë arrestimin në flagrancë të shtetasit:

E.P., 36 vjeç ,banues në fshatin Troshan, Lezhë.

Ky shtetas, në oborrin e banesës, për motive pronësie, ka kanosur me armë zjarri vellain e tij, shtetasin K.P.,30 vjeç, duke qëlluar në ajër disa herë.

Policia e Lezhës mënjëherë pas marrjes së njoftimit se në fshatin Troshan, Lezhë, ka konflikt në familje dhe të shtëna me armë zjarri, ka shkuar në vendgjarje.

Në momentin që ka parë Policinë 36 vjecari ka hedhur armën dhe është larguar me shpejtësi nga banesa.

Shërbimet e Policisë janë vënë në ndjekje dhe pas disa orësh ndjekjeje, kanë mundur të bejnë lokalizimin dhe kapjen e shtetasit E.P. në malin e Troshanit, Lezhë.

Në cilësinë e provës materiale u sekuestrua dhe arma e zjarrit automatik dhe 354 fishekë.

Materialet procedurale i kaluan Prokurorisë së Rrethit Gjyqësor Lezhë, për veprime të mëtejshme për veprat penale “Kanosja” dhe “Armëmbajtje pa leje”.