Sasi e madhe droge është gjetur dhe sekuestruar së fundmi në Tiranë. Mësohet se një sasi prej 468.2 kilogramë lëndë narkotike është kapur pranë ish-fushës së Aviacionit.
Gjatë aksionit të zhvilluar nga efektivët e Komisariatit nr. 2 në kryeqytet, janë arrestuar dy persona.
Të arrestuarit janë: Arif Plasa, 55 vjeç, banues në Tiranë dhe Besnik Berisha, 48 vjeç, banues në Tiranë.
Sasia e madhe e drogës u gjet në banesën e Besnik Berishës.
Specialistët për Hetimin e Narkotikëve në bashkëpunim me Prokurorinë vijojnë hetimet për zbardhjen dhe dokumentimin e plotë të këtij rasti, me qëllim kapjen dhe vënien para përgjegjësisë ligjore të personave të tjerë të përfshirë në këtë ngjarje.
Dosja i ka kaluar Prokurorisë së Tiranës për veprën penale të “Prodhimit dhe shitjes se lëndëve narkotike” në bashkëpunim dhe “Vënia në dispozicion të ambjenteve për mbajtje dhe konsumim të lëndëve narkotike.
Detaje të policisë:
Finalizohet një tjetër operacion antidrogë i koduar “Qark i mbyllur”. Operacioni nga Seksioni për Hetimin e Narkotikëve në D.V.P. Tiranë në bashkëpunim me Kom.Pol.Nr 2 . Sekuestrohen 468.2 kg Cannabis Sattiva. Në pranga dy shtetas.
Nga Specialistët e Seksionit Kundër Narkotikëve në Drejtorinë Vendore të Policisë Tiranë, në bashkëpunim me Komisariatin e Policisë Nr.2, në vijim të punës së pandërprerë për të parandaluar dhe goditur trafikun e lëndëve narkotike, bazuar mbi informacionet e marra në rrugë operative se në një banesë kishte të fshehur një sasi të madhe lënde narkotike, kanë organizuar dhe finalizuar operacionin antidrogë të koduar ” Qark i mbyllur”, ku në kuadër të të cilit janë arrestuar në flagrancë shtetasit:
Arif Plasa, 55 vjeç, banues në Tiranë
Besnik Berisha, 48 vjeç, banues në Tiranë
Nga kontrolli i kryer në banesën e shtetasit Besnik Berisha, janë gjetur dhe sekustruar në cilësinë e provës materiale: – 468.2 kg lëndë e dyshuar Narkotike, Cannabis Sattiva.
Specialistët për Hetimin e Narkotikëve në bashkëpunim me Prokurorinë vijojnë hetimet për zbardhjen dhe dokumentimin e plotë të këtij rasti, me qëllim kapjen dhe vënien para përgjegjësisë ligjore të personave të tjerë të përfshirë në këtë ngjarje.
Materialet proceduriale do ti kalojnë Prokurorisë së Rrethit Gjyqësor Tiranë për veprën penale të “Prodhimit dhe shitjes se lëndeve narkotike” në bashkëpunim dhe “Vënia në dispozicion të ambjenteve për mbajtje dhe konsumim të lëndëve narkotike“, parashikuar nga Nenet 283/2 dhe 285/a të Kodit Penal.
(XH.A/SHUPLAKA)
[ngg_images source=”galleries” container_ids=”1951″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
