Deklaratat e saj pak ditë më parë për një lojë të pistë në prapaskenat e Këngës Magjike bënë xhiron nëpër mediat shqiptare, por sonte ky festival i mbylli gojën Soni Malajt duke i dhuruar çmimin “Best Performance” për këngën “Për vete më mbaj”.
Pavarësisht deklaratës së saj se dikush po mundohej ta largonte nga fitorja, duhet theksuar se këngëtarja është irrituar nga titujt bombastikë të mediave, pasi sipas saj kanë keqinterpretuar fjalët. Soni ka reaguar ashpër përmes një komenti në lajmin me titull “Soni Malaj akuzon Ardit Gjebrenë”.
“Boll me gënjeshtra dhe spekulime, na lini të shijojmë finalen e “Kënga Magjike”, se asnjë nuk është kundra askujt!! Dhe atë fjalën “paranojake” ta mbajë ai që ka bërë shkrimin dhe mos guxoni më të më vini epitete të tilla. Jam e lumtur që jam pjesë e “Kenga Magjike”, në këtë aktivitet muzikor madhështor dhe me një produksion superprofesionist.”, shkruan këngëtarja.
Kënga:
