Dy shpërthime ndodhën pranë një stadiumi në qendër të Stambollit duke vrarë të paktën 13 persona dhe duke plagosur mbi 20 të tjerë. Ngjarja e rëndë ndodhi pranë “Vodafone Arena”, stadium ku pak minuta më parë luante Besiktas dhe Bursaspor.
Ngjarja e rëndë nuk ka shkaktuar panik vetëm në Turqi, por edhe në Shqipëri pasi nuk janë të paktë studentët që studiojnë në Stamboll.
Për këtë arsye, Shuplaka.com kontaktoi me Fredinant Hasmuça, kryetar i Shoqatës së Studentëve në Turqi.
Sipas Hasmuçës, nuk ka ende të dhëna nëse ka shqiptarë të plagosur apo vrarë në këtë ngjarje, ndërsa pohoi se ka shumë frikë dhe panik.
“Aktualisht nuk kemi ndonjë të dhënë paraprake për gjendjen dhe situatën e krijuar. Sipas lajmeve, 20 policë janë plagosur. Veç kësaj ende nuk kemi ndonjë të dhënë zyrtare. Kuptohet, në raste të tilla shqetësimet kanë vendin e tyre”, tha Hasmuça për portalin Shuplaka.
Sa i përket numrit të studentëve atje, Hasmuça u shpreh: “Numri i studentëve është diku te 400, por nuk është se kemi ndonjë të dhënë zyrtare të konfirmuar”. /Shuplaka/
Discussion about this post