Është kundërpërgjigjur një ditë më pas ministrja jonë e Mbrojtjes, Mimi Kodheli pas deklaratës provokative të ministrit grek të Mbrojtjes, Panos Kammenos, i cili thoshte se ishte gati për luftë me Shqipërinë.
”NATO u krijua për të bashkuar vendet demokratike të hemisferës veriore përballë çdo rreziku totalitar. Por sot e kam të vështirë të kuptoj pse ndonjë politikan në Ballkan vesh uniformë ushtarake dhe përpiqet të ngrejë fantazma të së shkuarës. Kanë ikur kohët e satrapëve. Jepini paqes një shans”, reagon Kodheli.
Duke folur për një konflikt të lidhur me Shqipërinë dhe Turqinë, Kammenos ka deklaruar se Forcat e Armatosura Greke janë gati për çdo situatë. Me këtë ai nënkupton nisjen e mundshme të një lufte me këto dy shtete.
Ky reagim i ashpër i Kammenos erdhi pas deklaratave të Kryeministrit Edi Rama, në lidhje me çështjen çame. Sipas tij, këto janë deklarata për konsum politik.
“Deklaratat e fundit nga Rama duhet të sjellin përsëri në kujtesën tonë se ata për të cilët ai flet ishin bashkëpunëtorë të nazistëve. Ne nuk do të pranojmë sfida të tilla. Ata ishin humbës në luftë. Ne nuk do të pranojë sfida të tilla, ne nuk do të pranojmë raporte të tilla, të cilat infektojnë dhe historinë dhe të drejtën ndërkombëtare”, deklaroi Panos Kammenos.
Discussion about this post