Kërkuan shpërblimin e premtuar, ministrja “merr me të mirë” mjekët e Lezhës: Kam veç fjalë falenderimi për të gjithë

Ministrja e Shëndetësisë Ogerta Manastirliu ka reaguar me një status në rrjetin social Facebook në lidhje më deklaratën e stafit mjekësor të spitalit rajonal Lezhë të cilët kërkonin shpërblimin e premtuar nga Kryeministri.

Ministrja duket se i ka lënë mënjanë ndasitë në dikasterin që drejton dhe i ka falenderuar mjekët ë Lezhës për punën e tyre në këtë situatë.

Postimi i plotë

“Kam veç fjalë falënderimi për të gjithë personelin mjekësor dhe infermieror të Spitalit të Lezhës.
Ashtu sikurse dua të shpreh mirënjohje të thellë për ekipet tona shëndetësore në të gjithë vendin.

Gjithësekush prej tyre, është një shembull frymëzues i përkushtimit dhe profesionalizmit, në shërbim të qytetarëve, edhe në këto ditë të vështira.

Pavarësisht spekulimeve, ne do të flasim vetëm me PUNË’!

#Bashkë