Mjeku epidemiolog, Alban Ylli ka folur me skype për Fax News në lidhje me situatën në vend për shkak të koronavirusit, ndërsa sot ka qenë dita me më pak raportime për persona të infektuar.
Për Yllin ky është një lajm pozitiv ndërsa ka ardhur sipas tij për shkak të masave të marra në kohë dhe zbatimit të tyre, duke shtuar se këtop masa duhet të respektohen rreptësisht për aq kohë sa janë në fuqi.
“Të jeni të sigurt për këtë, kjo është situata reale në Shqipëri. Masat drestike janë duke dhënë efektet e tyre, dhe kjo nuk është tipike vetëm për Shqipërinë. Si nga pikëpamja e të prekurit por edhe për të vdekur nga virusi është e ulët në vendin tonë në krahasim me vendet e tjera, por edhe Rajoni i Europës Juglindore. Jemi të bindur që kjo është situata reale në Shqipëri. Masat drastike dhe nisja e virusit në vendet e BE më parë ka ndikuar që të jemi në këtyë situatë”.
I pyetur nga gazetari Enea Meksi për numrin e ulët të rasteve të raportuara si të prekur me COVID-19 është një lajm i cili duhet të japë optimizëm, Ylli tha:
“Patjetër që duhet të jemi më të qetë si qytetarë, është një indikator i suksesit të masave, nuk është rastësi, se mund të kemi nuk përjashtohet edhe 50 raste në diutë. Por në asnjë rrethanë nuk besoj se do të kemi 100 raste në ditë. Nëse do të krahasoheshim me vendet e BE-së, do të kishim të paktën 200 raste në ditë. Intensiteti i sëmundjeve është mbajtur në kontroll, por nuk duhet ulur vigjilenca dhe është shumë shpejt të flasim për fitim të luftës. Vlera e rastit është ulur, krahasuar me vende të tjera. Ka potencialin të arrijë 3.8 deri në 4, megjithatë varet nga dinamikat, por në Shqipëri ky virus nuk po e zhvillon potencialin e tij pavarësisht se e ka. Aktualisht nuk po i gjen këto hapësia për t’u përhapur por është aty. Është ende një sustë e shtypur me potencial. Në verë ky potencial besoj se do të ulet dhe stina besoj se do të jetë e qetë. Mos harrojmë se në vjeshtë është lajmëruar një vallë tjetër, por besoj se do të jetë më e butë”.
(F.GJ/FAXWEB.AL)
Discussion about this post