Pas fjalimit të kryeministrit Edi Rama në ceremoninë e përurimit të sheshit “Shkënderbej”, ka reaguar Dritan Kaba.
Përmes një statusi në Facebook, këshilltari i grupit parlamentar të LSI-së në Kuvend, Dritan Kaba, ironizon deklaratën e Ramës, duke thënë se mendoi se ishte përlotur ngaqë 56% e shqiptarëve duan të largohen nga Shqipëria.
“U perlot Kryeminstri?!
Thane per sheshin
Kujtova se e kishte nga qe 56% e shqiptareve duan te braktisin vendin”, ironizon Kaba.
Në fjalimin e tij në ceremoninë e inaugurimit të sheshit “Skënderbej”, kryeministri Edi Rama deklaroi se është hera e parë në jetën e tij, që i dridhen gjunjët.
“Besojeni ose jo, por kjo ëhstë hera e parë që jetën time politike që nuk shkruaj dot një fjalim, besojeni opse jo, por është hera e parë në jetën time politike që mua më dridhen gjunjët, është nga fjalimet e rralla që do jetë i shkurtër.
Kam kaluar në shesh përpara disa javësh me Lindën vetëm dhe nuk i mbaja dot lotët, sepse e kam besuar shumë fort në zemër në mënde me gjithë fuqinë e qenies sime, që Shqipërisë, Tiranës, i duhej ky shesh. Dhe ka pasur moment që jam dorëzuar duke menduar se ky shesh nuk do bëhej kurrë dhe kur ecnim me Lindën më dukej e pabesueshme dhe e mrekullueshme që edhe pse zgjati 10 vjet, sheshi lindi dhe ambicia jonë për Tiranën fitoi.”, deklaroi Rama. (D.D/shuplaka)
