Bulevardi i ri që po ndërtohet në Kryeqytet do të prekë edhe disa banesa. Bulevardi duhet thënë se është një projekt ku vetë kryetari Velaij është shfqaur disa herë për të folur për ecurinë e punimeve.
Ka qenë këshilltari i LSI-së në Bashkinë e Tiranës Prof.Asoc.Eltjon Halimi i cili ka folur në emisionin Alert në Ora News në lidhje me vendimin e fundit të Këshillit Bashkiak për Kreditë e Buta.
Ndër të tjera ai ka ngritur dhe shqetësimin e banorëve për ndërtimin e Bulevardit dhe se ata nuk do të lihet të dalin në rrugë.
‘’Kërkova zgjidhje për banorët e 1942 shtëpitë e të cilëve do të prishen nga bulevardi i ri! Legalizim sa më parë! Nuk do të lejojmë që mundi dhe djersa e tyre të shkatërohet! Jemi duke biseduar me të gjitha institucionet për të gjetur zgjidhjen e merituar për banorët në fund të bulevardit. Gjithsesi në asnjë rast nuk do lejojmë që të ngelen në mes të 4 rrugëve. Vendi ka nevojë për më shumë politika sociale për familjet e thjeshta”,është shprehur Halimi.
Çështja e ndërtimit të bulevardit të ri të Tiranës, u kthye në një shqetësimi vitin e kaluar për të gjithë banorët, shtëpitë e të cilëve ndodheshin pranë zonës ku do të ndërtohet bulevardi.
Në fund të bulevardit shtëpitë janë të palegalizuara dhe rrjedhimisht nuk përfitojnë dëmshpërblim. Prandaj sipas Halimit kjo është zgjidhja e vetme për këta banorë. (E.K/SHUPLAKA)
Discussion about this post