Këshilltari i Ilir Metës Emiliano Aleksi, në përballjen e sotme televizive midis tre krerëve të partive kryesore, Edi Rama i PS-së, Ilir Meta i LSI-së dhe Lulzim Basha i PD-së, ka zgjedhur t’i bëjë një marifet televizioneve në studion e tij të punës, dhe nga ekrani të ndjekë vetëm njërin.
Aleksi ka publikuar një foto nga studioja e tij e punës, ku të tre televizionet transmetojnë sigurisht që shefin e tij, kreun e LSI-së Ilir Meta.
“Është përballje televizive?! Unë e kam bërë zgjidhjen time…”, shkruan Aleksi krahas fotos.
Mbrëmjen e sotme, tre krerët e partive marrin pjesë në tre emisionet më të rëndësishme, Rama te “Të paekspozuarit” e Ylli Rakipit, Meta tek “Arena” e Dritan Hilës, Basha te “Opinion” i Blendi Fevziut”. (D.D/Shuplaka)
