Shefi i Kabinetit dhe këshilltari për ekonomi i Kryeministrit të Kosovës Isa Mustafa, Sokol Havolli, është shprehur se kreu i qeverisë së Prishtiës gjatë gjithë javës së kaluar ka pasur komunikim dhe njoftim të vazhdueshëm të partnerëve dhe të faktorit ndërkombëtar në Kosovë lidhur me hapat që do të ndërmerren në rast të tentativës së hyrjes së trenit serb në territorin e vendit.
Havolli shtoi se kritikat që iu bënë Qeverisë kinse për vendime të vonuara nuk janë të sakta.
“Nuk mund të ndahen informacione sensitive me publikun. Nuk kanë mundur ta dinë më shumë se pesë persona për këtë aksion në gjithë shtetin”, ka deklaruar ai në një intervistë për RTV21.
Ai tha se dihet botërisht se qëllimi i atij treni nuk ka qenë transportimi i ndonjë udhëtari po të bëhet një provokim tipik nacionalist i shekujve të kaluar, i një mentaliteti të kaluar, i një menataliteti luftënxitës, të cilin Kosova nuk e përkrah. (A.R/SHUPLAKA)
Discussion about this post