“Këto janë orët më kritike”, kështu është shprehur kreu i emergjencave civile, Shemsi Prençi në ‘’Fax News”. Ai apeloi që banorët të pranojnë që të evakuuohen, ndërsa theksoi se zona më problematike vijon të mbetet Novosela dhe fshatrat përrreth.
“Pas orës 10 të ditës së sotme dhe në vijim pritet një përkeqësim i situatës, ndërsa është i nevojshëm evakuimi. Tashmë ushtria ka nisur evakuimin e detyrueshëm, ndërsa situata pritet që të jetë kalimtare. Ka 1200 familje që duhet të largohen nga banesat e tyre.
Novosela është edhe pika më poblematike në vend, dhe fshatrat përreth. Intesiteti i reshjeve është edhe më i lartë se në vitin 2015, po shpresojmë që dëmet në nivelin fundor të jenë më të pakta për shkak të investimeve që janë bërë në argjinaturën e Vjosës. Qytetarët duhet të binden që të evakuuohen, pasi është e rëndësishme çdo jetë njerëzore.
Duhet të merreshin edhe masat për çuarjen e paisjeve dhe orendive shtëpiake në një kat më sipër, pasi ka 7 ditë që janë lajmëruar për këtë që do të ndodhte. Në këto momente jemi në orët kritike të situatës, dhe apeli është që njerëzit të pranojnë evakuimin”, u shpreh Prençi.
(E.K/FAXWEB)
