Kina kritikon Trump për përdorimin e Twitter-it: Nuk bëhet këtu diplomacia ndërkombëtare!

E keni vënë re që Donald Trump e përdor shumë twitterin? Kina e ka vënë re dhe për më tepër e ka kritikuar presidentin e zgjedhur amerikan.

Agjencia zyrtare kineze e lajmeve, Xinhua, ka publikuar një shkrim nëpërmjet të cilit kritikon Trump që përdor “Twitter-in” për të kryer diplomacinë ndërkombëtare.

Xinhua ka publikuar një koment të Trump-it dhe shkruan se ai ka fituar reputacion duke bërë deklarata të paparashikueshme në këtë rrjet social, të cilat shpesh devijojnë nga politikat amerikane.

Mbi të gjitha,  disa komente të Trump-it në lidhje me Kinën kanë ngjallur debate të mëdha.

“Fiksimi me ‘Tëitter-in’ është një diplomaci e padëshirueshme.Tashmë dihet se diplomacia nuk është lojë fëmijësh dhe aq më pak biznes. Ashtu si ish- Sekretarja Shteteve të Bashkuara Madeleine Albright ka thënë: Tëitter nuk duhet të jetë një mjet për politikën e jashtme,” shkruan Xinhua.

Këtë të hënë, Trump shkroi në ‘Twitter” se Kina nuk ka bërë mjaftueshëm për të frenuar fqinjin e saj, Korenë e Veriut, për t’u armatosur me armë bërthamore. (D.D/Shuplaka)