Pushtimi kinez i Europës së futbollit nuk mund të ndalet. Premier League, kampionati më i pasur dhe më mediatik në botë, ka tërhequr investitorët nga Azia.
Këtë herë i ka takuar Southampton të ketë një pronar të ri. Ai është multimilioneri Jisheng Gao. Lajmërimi është bërë nga ish-pronarja Katharina Liebherr, e cila ka shkruar një letër për tifozët.
“Si rrjedhojë e një pune të madhe dhe frytdhënëse, kemi nënshkruar një partneritet me familjen Gao dhe jam entuziaste për atë që do të arrijmë bashkë”, ka shkruar Liebherr.
Edhe pse nuk janë përmendur detajet e operacionit, shtypi anglez ka bërë të ditur se Gao ka blerë 80 për qind të aksioneve të klubit për 210 milionë paund.
Discussion about this post