Mbledhja e përbashkët mes dy qeverive të Shqipërisë dhe Kosovës dje në Pejë ka qenë në fokusin e replikave mes politikanëve dhe jo vetëm. Deklaratat populiste të Ramës janë sulmuar nga opozita në Shqipëri, duke thënë se i vetmi qëllim i tij janë pazaret për interesa personale.
Ndërkohë në një tjetër detaj është ndalur deputeti i PD-së Edi Paloka, i cili thotë se Rama gjatë vizitës në Kosovë ka pasur me vete një eskortë të stërmadhe të mbushur me vajzat e administratës.
Dhe për të shkuar më tej, asnjë prej mjeteve që ishin pjesë e kolonës së kryeministrit nuk është ndalur për të paguar te trau i vendosur në Rrugën e Kombit.
““Patrioti” qe ju ka vene traun shqiptareve te Kosoves, qe detyron dhe kuksianet te paguajne ne shtepine e tyre, sapo kaloi me gjithe eskorten e tij te stermadhe pa paguar as nje qindarke tek trau, as ai , as vajzat e administrates qe i ka mbledhur ne nje autobuz per ti bere shoqeri rruges…”, shkruan Paloka.
Edhe dje në konferencën e përbashkët mes Ramës dhe Haradinajt, u diskutua lidhur me rrugën e papërfunduar në mes dy shteteve, ku kryeministri i Kosovës apeloi që t’iu jepej dora e fundit punimeve.
(E.K/FAXWEB.AL)
Discussion about this post