Ish-ministrja e Integrimit, Klajda Gjosha foli përmes një lidhje me skype me TV Fax News për çështjet që kanë të bëjnë kryesisht me integrimin e vendit, ndërsa pohoi se një muaj më parë BE i tha “PO me kushte” Shqipërisë duke theksuar se kapitujt do të hapen pasi të jenë qartësuar plotësimi i tyre.
“Ata thanë se jemi pro pupollit shqiptar por që më parë do të plotësohen kushtet. Fakti që në Samitin e Zagrebit nuk diskutohet procesi i zgjerimit ka shumë domethënie, ku arsyeja kryesore është pandemia e koronavirusit. Ndërkohë vendet e Ballkanit Perëndimor të kërkojnë asistencë financiare për të përballuar pasojat e shpresoj që BE të mos tërhiqet nga kjo mbështetje”.
Ndërkohë në lidhje me vetë përparimin e procesit dhe faktorët që e mundësojnë atë për të nisur hapjen e kapitujve të negociatave, Gjosha tha: “Institucionet tona duhet të nisin urgjentisht punën për plotësimin e kushteve. Unë jam e bindur që kurdo që Shqipëria të përmbushë kushtet, do të jepet një dritë jeshile. BE i ka dhënë një mbështetje gjithë qytetarëve, por qeveria dhe gjithë klasa politike shqiptare duhet të jetë e përgjegjshme, pasi topi tashmë është në fushën tonë. Janë një sërë çështjes që duhet t’ju jepet zgjidhje. Shqipëria është unike në këtë proces, nuk është në të njëjtin hap me Maqedoninë e Veriut e cila mendoj se është një hap para nesh”.
Mungesën e simboleve kombëtare në Samit me kërkesë të Spanjës për shkak të pjesmarrjes së Kosovës, Gjosha tha se nuk mendonte se është normale.
“Për aq kohë sa Kosova është njohur nga të gjitha institucionet europiane, ata punojnë intensivisht me Kosovën dhe në dialogun e saj me Serbinë, nëse kjo ka qenë arsyeja, nuk është diçka e pranueshme.
Gjithmonë është thënë se Ballkani Perëndimor është mbështetur nga BE dhe nuk është retorikë për aq kohë sa ka dhënë vazhdimisht ndihma fiananciare. Do duhet një strategji e përbashkët për të dalë nga kjo krizë dhe besoj se mbështetjen e kemi pasur nga BE”.
Si është menaxhuar sfida me pandeminë nga qeveria ishte pyetja ndaj të cilës ish-ministrja e Integrimit shprehur rezerva të shumta duke nisur që nga kaosi mke oraret e liridaljes, mbështetja ndaj biznesit, atyre që marrin ndihmë sociale dhe personave që nuk janë të regjistruar sit ë punësuar.
“Ka pasur një kakofoni infoermacioni, një kaos shumë të madhe dhe qytetarët kanë qenë konfuz, duke filluar që nga mënyra e daljeve dhe marrja e lejeve. Virusi nuk mund të mbyllet brenda me orare. Nuk mendoj se është bërë një menaxhim i mirë dhe kjo ka shkaktuar probleme në ekonomi dhe këtë lloj krize do vijojmë ta shikojmë në vijim, pasi mendoj se shumë biznese do vijojnë të mbyllen. Qeveria thotë se ia ka dalë, sepse flasin vetë shifrat, nuk e di nga ku dalin këto shifra, është e vërtetë sa ka mungesë testime.
Qytetarët janë përballur me një lloj virusi ndoshta qeveria nuk i dinte emrin por që shumë shqiptarë janë përballur. Për të mos përmendur atë që është kryesorja, ndihma fianciare për qytetarët dhe bizneset. Edhe kjo është bërë në kushte të pabarabarta, shoh diskriminim të bizneseve. Patjetër që ka qytetar që punojnë në informalitet që duhet të shikohet gjithashtu ata që marrin ndihmë ekonomike ndaj tqë cilëve duhet vëmendje e veçantë nga qeveria që nuk e kanë marrë.”, tha Gjosha.
(F.GJ/FAXWEB.AL)
Discussion about this post