Pjesë e marrëveshjes Rama-Basha ishte dhe zëvendësimi i Kreut të Komisionit Qendror të Zgjedhjeve. Nga sot pas votimit në Kuvend Denar Biba nuk do të jetë më kreu i KQZ-së.
Vendin e tij do ta zërë Klement Zguri një nga emrat më të vjetër anëtar të KQZ-së.
Nuk dihet sesi do të veprohet me Bibën dhe nëse ai do të vijojë të jetë apo jo një anëtar i Komisonit, apo do të ketë vetëm një ndërrim rolesh dhe ai do të marrë postin e nënkryetarit.
KQZ-ja pritet të ketë mjaft punë në ditët në vijim, kjo pasi afatet janë shumë të shkurtra derio në zgjedhjet e 25 qershorit. Brenda kësaj jave pranë komsionit priten të paraqiten listat e opozitët me kandidatët për deputetë në të gjithë qarqet.
Nga ana tjetër figura e Bibës në krye të KQZ-së ka qenë mjaft e kontestuar nga opozita dhe jo vetëm. Jo pak herë ai është përfshirë në debate dhe ofendime në distancë dhe me kreun e LIBRA-s, Ben Blushi.
Përveç Bibës siç e kemi theksuar dhe më parë në Kuvend pritet të votohen sot dhe gjashtë ministrat e rinj, si dhe avokatja e Popullit dhe zëvendëskryeministrja e re. (E.K/SHUPLAKA)
Discussion about this post