Raportohet të jetë pezulluar procesi i numërimit në qytetin e Pogradecit, për shkak se janë hedhur në sistem 2 procesverbale gabim, duke iu referuar informacioneve të kandidatit demokrat për deputet Klevis Balliu.
“Është bllokuar numërimi i votave pasi kemi dy raste, dje dhe sot që vota të subjektit PD kalojnë online tek subjekte te tjera. Ne “hije” u kap ky fenomen i cili po ndodh në të gjithë Shqipërinë! Sot u kapën 80 vota të PD-së të hedhura. Dje ishin 220 vota të hedhura tek njësia Nr7. Kjo mënyrë është bërë tani e përseritur dhe ne e faktojmë. KZAZ dje dhe sot mbajti në mënyrë unanime procesverbal në lidhje me këtë fenomen të përsëritur nga subjekti PS.”, është shprehur kandidati për deputet.
Ndërkaq, nga 6 mandate, Partia Socialiste ka rënë në pesë mandate në qarkun e Korçës. Ajo numëron 39.809 vota thënë ndryshe 49.4%, të cilat konvertohen në 5 mandate. Nëse PS i rikthehet rritjes së mandateve në këtë qark, mundet që t’i marrë mandatin e dytë Lëvizjes Socialiste për Integrim.
(XH.A/SHUPLAKA)
Discussion about this post