Kryetari i Partisë “Zgjidhja” Koço Kokëdhima, i ftuar në emsionin “Aktualitet” në Fax News foli në lidhje me dakordësinë e Këshillit Politik për Reformën Zgjedhore.
Kokëdhima tha se asgjë nga kjo nuk e ka surprizuar, ndërkohë që shtoi se çdo gjë në Shqipëri është e kapur dhe të gjithë këto që bëjnë këtë shou janë palë së bashku.
Kokëdhima shtoi se lufta e vërtetë është mes popullit dhe këtyre tri a katër personave të cilët kanë grabitur për 30 vite me radhë vendin.
“Nuk pres asnjë surprizë. Është një skenar i lexuar është një shtet i kapur, shoqëri e kapur, zgjedhje të kapura, kapja do të vazhdojë. O sikur kombet të lulëzonin nga borxhet, këto janë mashtrime që mudn të manipulojnë të paditurit. Thellimi i borxheve nuk është zhvillim. Kjo qeveria të këtij tranzicioni dinë vetëm të vjedhin të marrin borxhe të manipulojnë dhe të vjedhin popullin shqiptar.
Zgjedhjet e Shqipërisë janë të kapura siç është e gjithë Shqipëria. Problemi i Refromës Zgjedhore është një problem mes dy palëve. Nuk është problem mes Bashës dhe Ramës dhe LSI-së, të gjithë që bëjnë këtë shou në të vërtetë janë një palë.
Një palë është popullin shqiptar një palë janë këta. Populli shqiptar është në situatën kur është i vjedhur prej këtyre. Populli shqiptar është në situatën kur vidhet mashtrohet. Rrjepet dhe elimonohet. Këto janë tre katë familje që përbejnë dinastinë e re sunduese. Merita e tyre është që grabitën popullin e pambrojtur në një periudhë të errët, ku nuk kishte institucione që të ndalonin grabitejn e popullit nga pushteti. Shteti nuk është më i shqiptarëve, nuk është më në shërbim të popullit, është në shërbim të këtyre tre katë dinosaurve 30 vjeçare. Lufta është mes dy palëve populli, kundër tri katër të mallkuarve dhe të korruptuarve.
Ka Reformë Zgjedhore!? A mund t’ua rimarrë populli pushtetin këtyre tre katër njerëzve nuk ua merr dot paqësisht! Këto tashmë kanë dhe aleancë dhe me diplomatët e huaj në Tiranë.”- tha Kokëdhima.
Duke folur në lidhje me oligarkët dhe sulmet ndaj individëve të biznesit, Kokëdhima theksoi se
oligarkët e vërtetë në vendin tonë janë krerët e partive politike.
“Nuk është oligark Zamir Mane, Shkëlqim Fuhsa, nuk është oligark Bashkim Ulaj, nuk është oligark Kastrati, këto janë të gjithë njerëz të punës. Oligarke dy kryetarët e partive të vjetra. Jo vetëm që janë të pasur por e kanë bërë duke vjedhur popullin. Lulzim Basha është maja e oligarkisë, Edi Rama është kryeoligakr i Shqipërisë. Këta thona kapinin hajdutët, bërtasin vetë hajdutët. Kryetarët e partive janë oligarkët, janë politikanët më të pasur ne Evropë.”- tha Kokëdhima.
