Kreu i PD-së Lulzim Basha ka hedhur akuza të forta në Kuvendi i Shqipërisë ndaj kryeministrit Rama në lidhje me sasinë rekor të drogës së kapur në Durrës ku policia sekuestroi 613 kg kokainë.
Ai tha se një sasi e tillë droge nuk mund të trafikohej nës enuk kishte garanci të fuqishme në Shqipëri.
“Në Shqipëri sundon një kryeministër i cili i ka graduar organizatat vendase dhe i ka bërë pjesë të organizatave kriminale ndërkombëtare. Nisi me marijuanë dhe u përhap në trafikimin e drogave të forta të kokainës. Laboratori I Xibrakës dështoi për shkak të gjermanëve por autorët e vërtetë nuk u kapën kurrë. Rama mbylli gojën dhe premtoi vazhdimin e industrisë. Janë tre laboratorë të përpunimit të drogës në Shqipëri dhe ja ku erdhi prova”, tha Rama
Gjithashtu kreu i PD-së përmendi edhe mospërputhjen e deklaratave të ministrit të Brendshëm Fatmir Xhafajt dhe kryeministrit Rama.
Lulzim Basha tha se ai që u kap ishte një shofer dhe një hamall pasi bosët me ndihmën e shtetit ia kanë dalë të largohen. Duke iu referuar një statusi në rrjetet sociale të shoferit të kamionit se “ po transportonte miell për partizanët”, Basha pyeti se kush mund të jenë këta partizanë, duke thumbuar vëllain e kryeministrit Olsi Rama.
“Cilat janë faktet që Rama, Xhafa dhe të tjerë mundohen të fsheshin. Në Durrës u arreëstua një shofer dhe një hamall. Policia deklaroi se vlera e kokainës ishte 180 milionë euro. Ky kontenier kishte qëndruar prej darës 19 shkurt aty, plotë 9 ditë në pritje të zhdoganimit. Një vëzgim i thjeshë i publikuar nga opozita dhe media tregoi se kjo kompani ka importuar 97 ngarkesa, ky pronar është larguar 24 orë para se të kapej droga. Ai që transportonte kishte shkruar se transportonte miell për partizanët, kush janë partizanët? Vlera e kësaj droge ngre një pyetje, kush e ka garantuar një operacion të tillë. Reagimi i parë i Xhafës ishte se ishte në bashkëpunim me partnerët, më pas Rama përgënjeshtëroi Xhafën. Më pas Xhafaj tha se i falenderoi partnerët për bashkëpunimin. Kjo është një linjë droge që funksionon që nga ardhja në pushtet e Edi Ramës, kjo kompani ka bërë 97 herë ngarkesa dhe nuk I ka hyrë ferrë në këmbë”, tha Basha. (B.H/Faxweb)
Discussion about this post