Kryetari i Komisionit Hetimor për çështjen “CEZ”, Taulant Balla, e cilësoi të pavlefshme dëshminë disa orëshe të ish-kryeministrit Sali Berisha sot në komision, pasi sipas tij, ai nuk dha gjeneralitetet dhe nuk u betua ashtu siç e kërkon ligji.
Ai paralajmëroi para mediave se Berisha nuk do të jetë i vetmi në qeverinë e tij që do të dëshmojë për këtë çështje pasi sipas kryetarit socialist të komisionit do të thirren për të dëshmuar edhe ministrat e tij.
“Ky është fillimi i i një ere ndryshimi në drejtësinë shqiptare. Ky është modeli, se si të thirret Sali Berisha dhe çdo ministër i tij për korrupsionin e bërë në qeverinë e tyre. Këtë u desh ta merrnim me forcë. Kështu do dëshmojnë të gjithë ministrat e tij për korrupsionin që kanë bërë”, tha Ballanë dalje të komisionit.
Seanca e sotme e Komisionit Hetimor “CEZ” u karakterizua nga debate të ashpra dhe akuza të ndërsjellta mes Taulant Ballës dhe Sali Berishës.
Discussion about this post