Komiteti Drejtues i LSI-së mblidhet nesër, Këshilltari i Metës zbulon orën dhe vendin

Këshilltari i Ilir Metës Emiliano Aleksi, lajmëron se Lëvizja Socialiste për Integrim do të mbledhë nesër Komitetin Drejtues Kombëtar.

Mledhja do të mbahet rreth orës 10:00, në ambientet e Hotel Tirana. Ky takim vjen një ditë pas zgjedhjes së kreut të LSI-së Ilir Meta në Kuvend, si Presidenti i ri i Republikës, që do të zërë vendin e presidentit aktual Bujar Nishani.

Kuvendi i Shqipërisë e zgjodhi Metën me 87 vota pro dhe 2 kundër si Presidentin e shtatë të Republikës. Të vetmit që votuan kundër ishin Ben Blushi si edhe Mimoza Hafizi e LIBRA-s, ndërkohë që opozita nuk ishte e pranishme në votim. Ndërkohë që vendin e kreut të LSI-së do ta zërë zv.kryetari i parë që është Petrit Vasili. (D.D/Shuplaka)