Gjatë një konference të përbashkët me deputetin e Bundestagut gjerman Nikolas Löbel, kreu i grupit parlamentar të PS-së, Taulant Balla u shpreh se mazhoranca do të votojë çdo propozim të opozitës. “Le ta shkruajnë ata amendamentin dhe ne do ta votojmë.”, tha Balla duke iu referuar opozitës.
Deklarata e Ballës
PS bëri të gjitha përpjekjet për të garantuar votën e cilësuar në Kuvendin e Shqipërisë, pra 84 vota në funksion të rivendosjes në afat të një dispozite kalimtare që ka të bëjë me pranimet në Shkollën e Magjistraturës dhe të rishprehim gatishmërinë tonë që në seancën e parë të 3 shtatorit, pasi dielli dhe vera të ketë qetësuar shpirtrat dhe mendjet e trazuara të opozitës, vendimi i parë që duhet të votojmë bashkë me PD dhe LSI është pikërisht mundësimi i pranimeve të reja në shkollën e Magjistraturës për të mos vonuar një vit djem dhe vajza ekselentë që kanë studiuar drejtësi dhe që përmbushin kriteret, por që sigurisht do të kalojnë konkursin profesional me qëllim që 50 ndër ta të vijojnë studimet në Magjistraturë.
Besoj që kjo rishprehje nga ana jonë e kësaj gatishmërie përmban në vetë vete edhe propozimin tonë për opozitën: le ta shkruajnë ata amendamentin dhe ne do ta votojmë.
(J.D/Faxweb.al)
