Gjykata e Tiranës ka urdhëruar shtrimin e përkohshëm në spital, të Oltion Zakas, 22-vjeç pasi ka probleme me shëndetin mendor dhe dyshohet se ka prishur qetësinë publike të qytetarëve.
Mësohet se Zaka ka shkatërruar pronën e një shtetasi, ndërsa ka krijuar probleme me rendin, në ndërtesën ku banon Prokurori i Përgjithshëm.
Më datën 7 shtator 22-vjeçari është konfliktuar me dy truprojat e numrit një të akuzës. Sipas Lapsi.al në pallatin ku jeton Prokurori i Përgjithshëm, në mënyrë të përsëritur, Zaka ka fyer punonjësin e Gardës, që ndodhej në detyrë, shtetasin Bujar Ibrahimi.
Këto veprime kanë shkaktuar shqetësime edhe për komunitetin, shpjegohet më tej pasi i akuzuari ka dëmtuar edhe një mjet të parkuar.
Punonjësi i gardës, detyra e të cilit është të sigurojë banesën e Prokurorit të Përgjithshëm, shpjegon në kallëzim, se i pandehuri i kryen këto veprime në mënyrë të vazhdueshme, duke ua vështirësuar edhe atyre detyrën, në një kohë që për të njëjtat fakte, ka dorëzuar kallëzim në polici edhe truproja tjetër, shtetasi Sazan Rrushi. (J.V/Shuplaka)
Discussion about this post