Guy Verhofstadt, koordinatori i Brexit e ka cilësuar si oportuniste politike kryeministren britanike Theresa May dhe gjepura pretendimet e saj se do të jetë më e fortë në bisedimet për Brexit nga zgjedhjet e përgjithshme.
Sipas tij, kryeministrja është e motivuar nga konsideratat politike partiake dhe jo interesat kombëtare.
“Disa thonë se Theresa May organizoi zgjedhjet që të arrijë një marrëveshje më të mirë për Brexit me BE. Kjo është pa sens. Nuk ka rëndësi se sa deputetë konservatorë shton May në parlament pas zgjedhjeve, pasia ta që janë në tryezën e negociata në Bruksel as që duan t’ia dinë”, është shprehur Verhofstadt.
Pritet që ish-kryeministri belg Verhofstadt të luajë një rol thelbësor në negociatat për Brexit. Sipas tiij, zgjedhjet e parakohshme që May lajmëroi janë një tentativë e saj për të kapur pushtetin nga partia konservatore.
(XH.A/SHUPLAKA)
