Koplik/ Plagosi me pistoletë në këmbë 32-vjeçarin, në kërkim autori

Mbrëmjen e sotme, në Koplik, shtetasi me inicialet M. H. ka plagosur me pistoletë në këmbë shtetasin me inicialet G. D., 32 vjeç, i cili ndodhet në spital, jashtë rrezikut për jetën.

Ndërkohë, autori është larguar nga vendngjarja dhe është shpallur në kërkim.

Policia njofton se ngjarja ka ndodhur për motive të dobta.

Njoftimi i Policisë:

Koplik/Informacion paraprak

Më datë 29.02.2024, rreth orës 19:50, në Koplik, gjatë një konflikti për motive të dobta dyshohet se shtetasi M. H., ka plagosur me armë zjarri pistoletë në këmbë shtetasin G. D., 32 vjeç, banues në Koplik.

32 vjeçari ndodhet në spital, jashtë rrezikut për jetën.

Shërbimet e Policisë janë vënë në ndjekje të autorit.

Grupi hetimor nën drejtimin e Prokurorisë po punon për sqarimin e rrethanave të ngjarjes.