Zgjidhet më në fund problemi i stadiumit me ekipin e Korabit. Pas sorrollatjeve për javë të tëra, klubi dibran e ka gjetur “shtëpinë” e tij të re, që do të jetë stadiumi i qytetit të Peqinit.
Lajmin e bën të ditur klubi i Flamurtarit, i cili do të përballet pikërisht me Korabin pas dy ditësh.
“Zyrtare! E enjte, datë 22 dhjetor 2016, ora 14:00, në stadiumin e Peqinit, Kategoria Superiore, java 18, Korabi-Flamurtari”, lexohet në njoftimin e ekipit vlonjat.
Për shkak se stadiumi i qytetit të Peshkopisë është i dënuar për shkak të ngjarjeve të shëmtuara që ndodhën në ndeshjen e Kategorisë së Parë, Korabi-Burreli, ekipi dibran e ka patur të vështirë të gjejë një stadium ku të zhvillojë ndeshjet e saj. (A.R/SHUPLAKA)
