Për herë të parë një ligj për presidentin: Në rast paaftësie do zëvendësohet nga kreu i Kuvendit

Për herë të parë në Shqipëri pritet të miratohet projektligji për Presidentin e Republikës.

Televizioni “Report Tv” ka arritur të zbardhë këtë projektligj i cili pritet të miratohet nga Kuvendi pas janarit të 2017-ës, në kuadër të Reformës në Drejtësi.

Ky projektligj përcakton rregullat e bashkëpunimit të Presidentit të Republikës me Kuvendin, Kryeministrinë dhe Organet e Republikës.

Sipas nenit 9 të këtij projektligji, parashikohet ngritja e një komisioni të veçantë për të vërtetuar aftësinë fizike dhe mendore të presidentit.

Në rast paaftësie presidenti do të zëvendësohet nga kreu i Kuvendit.

Ndër të tjera thuhet se pas lënies së detyrës, presidentit të Republikës do t’i lidhet një pension.

Në projektligjin me 70 nene, gjithashtu thuhet se presidenti do të ketë dy mjekë të cilët do t’i shërbejnë gjatë gjithë periudhës së mandatit. Ata do të paguhen nga Buxheti për Presidencën, në varësi të fondeve të parashikuara.

Më poshtë keni një galeri me foto, ku tregohet përmbajtja e disa prej neneve më të rëndësishme. (D.D/Shuplaka)

[ngg_images source=”galleries” container_ids=”217″ display_type=”photocrati-nextgen_basic_slideshow” gallery_width=”600″ gallery_height=”400″ cycle_effect=”fade” cycle_interval=”10″ show_thumbnail_link=”1″ thumbnail_link_text=”[Show thumbnails]” order_by=”sortorder” order_direction=”ASC” returns=”included” maximum_entity_count=”500″]