Kosova vijon të mbetet një nga mbështetëset kryesore të ndihmave dhe asestencës pas tërmetit të ndodhur mëngjesin e djeshëm në Shqipëri ndërkohë që së fundmi ka ofruar një zgjidhje edhe për ata që kanë mbetur pa një streh.
Për këtë, Qeveria e Kosovës në bashkëpunim me komunën e Prizrenit, Ambasadën Gjermane në Kosovë dhe GIZ në Kosovë, kanë vendosur të hapin Parkun Inovativ në Prizren (ish kampi ushtarak Gjerman) për të gjitha familjet e prekura nga tërmeti në Shqipëri.
Lajmin e ka bërë të ditur zëvendëskryeministri në detyrë, Behgjet Pacolli, përmes postimin një Facebook, duke treguar edhe një herë se shteti kosovar do t’i dalë në ndihmë në çdo mënyrë shqiptarëve që kanë mbetur pa shtëpi.
Sipas tij, ky park ofron të gjitha kushtet dhe ka mbi 800 shtretër, menzë, spital, fusha sportive dhe çdo gjë për t’ju bërë të ndiheni komod gjatë kësaj kohe krize.
“Qeveria e Kosovës, në bashkëpunim me komunën e Prizrenit, Ambasadën Gjermane në Kosovë dhe GIZ në Kosovë ????, kanë vendosur të hapin Parkun Inovativ në Prizren (ish kampi ushtarak Gjerman) për të gjitha familjet e prekura nga tërmeti në Shqipëri. Ky park ofron të gjitha kushtet dhe ka mbi 800 shtretër, menzë, spital, fusha sportive dhe çdo gjë për t’ju bërë të ndiheni komod gjatë kësaj kohe krize”, shkruan Pacolli.
Discussion about this post