Me 4 vota pro dhe 1 kundër sot KQZ ka vendosur që “Bindja Demokratike”, partia politike më e re në vend me kryetar ish-numrin 2 të PD-së, Astrit Patozin të regjistrohet si subjekt politik për zgjedhjet vendore të këtij viti.
Ndërkohë Patozi nuk ka humbur kohë për të mbledhur rreth vetes elektoratin që i nevojitet për t’i dhënë fitoren në ndonjë bashki të Shqipërisë. Në një postim të tijin në Facebook ai shkruan: “Bindja Demokratike” do të jetë shtëpia e lirisë, porta e hapur për çdo shqiptar që beson tek vlerat dhe tek fuqia e saj.
Ndaj ne pa humbur asnjë sekondë kohë shpallim sot fushatën kombëtare të anëtarësimeve në “Bindjen Demokratike”, e cila nuk do të pengojë përgatitjet tona për të shkuar në zgjedhje me kandidatë dhe lista këshilltarësh në të gjitha bashkitë e vendit“.
Postimi i Patozit
KRIJO BINDJEN TËNDE, BESO BINDJEN TËNDE, VOTO BINDJEN TËNDE!
“Bindja Demokratike” u zyrtarizua sot si parti konkurrente në garën elektorale të 30 qershorit. Vendimi i marrë nga KQZ do të thotë se praktikisht ne jemi në fushatë, pasi zgjedhjet vendore janë pothujase në prag.
Duke falenderuar edhe një herë të gjithë ata që e bënë të mundur finalizimin e këtij projekti politik, që nga firmëtarët, e deri tek mbështetësit e parë të saj, ne angazhohemi solemnisht për një fushatë modeste, të vendosur dhe qytetare, por mbi të gjitha për një rezultat dinjitoz më 30 qershor.
Me këtë rast, ne ftojmë çdo qytetar të këtij vendi, që mendon se Shqipëria po qeveriset keq e mos më keq për shkak të një sistemi të kalbur politik për t’iu bashkuar projektit tonë.
“Bindja Demokratike” do të jetë shtëpia e lirisë, porta e hapur për çdo shqiptar që beson tek vlerat dhe tek fuqia e saj.
Ndaj ne pa humbur asnjë sekondë kohë shpallim sot fushatën kombëtare të anëtarësimeve në “Bindjen Demokratike”, e cila nuk do të pengojë përgatitjet tona për të shkuar në zgjedhje me kandidatë dhe lista këshilltarësh në të gjitha bashkitë e vendit.
Mirësevini tek BINDJA DEMOKRATIKE për të ndryshuar Shqipërinë!
Adresa: Rruga e Elbasanit, Ndërtesa 5, Hyrja 2/1, TIRANË
Discussion about this post