Detaje të reja janë mësuar nga hetimet për ngjarjen e bujshme të Kurbinit mbrëmjen e 30 Majit ku mbetën të vdekur dy persona, ndërsa falë bashkëpunimit mes Policisë së Lezhës dhe asaj të Tiranës u ra në gjurmët e një tjetër të dyshuar kryesor për vrasjen.
Eduart Lamaj, i cili është árrestuar si autor i dyshuar për vrásjen e dy biznesmenëve Bujar Lika dhe Paulin Marku (Gjergji), në 30 Maj në Laç, mësohet se ka deklaruar se një prej víktimave i kishte para borxh, dhe ai i kishte shkuar me qëllim për ti shkátërruar hotelin dhe jo për ta vrárë. Por sipas Policisë dhe prokurorisë ky version i Lamës nuk qendron (lexo dëshminë).
Lama u vu në pránga teksa ishte duke u mjekuar në një klinikë private në Tiranë që mendohet të jetë e një të afërmi të tij, Besim Lama, për shkak se mbeti i plágosur në këmbë në ditën kur ndodhi átentati ndaj biznesmenëve. Bashkë me të u vunë në pránga dhe mjekët që e kanë ndihmuar, të cilat burime për Faxweb.al bëjmë me dije se janë Besim Lama dhe Viktor Marku.
Burime bëjnë me dije se Besim Lama punon edhe tek spitali Ushtarak ndërsa para disa vitesh i është bërë një atentat për shkak të një konflikti si dhe është kërcënuar disa herë për shkak të detyrës.
Ndërkohë Edart Lamaj, autori i dyshuar i vrasjes së dyfishtë, është zbuluar pasi efektivët kanë mbajtur nën vëzhgim dhe kanë monitoruar lëvizjet e familjarëve të 30-vjeçarit, veprime të cilat janë koordinuar nga Departamenti i Policisë Kriminale.
U zbulua se 30-vjeçari paraqitej rregullisht në një klinikë private në Tiranë për të mjekuar plagën e infektuar në këmbën e majtë, të shkaktuar nga plumbi, ku pas grumbullimit të provave, në ta ashtuquajturin operacioni “Klinika” u bë edhe arrestimi i tij si dhe i dy mjekëve që asistuan në trajtimin mjekësor të të riut.
Mjekët Besim Lama dhe Viktor Marku përkatësisht 46 dhe 42 vjeç akuzohen për moskallëzim krimi pasi kishin informacion për autorin ndërsa penguin zbulimin e të vërtetës, dhe për më tepër nuk njoftuan policinë se po trajtonin n jë person të plagosur me armë zjarri.
Por Eduart Lama nuk ishte i vetëm në realizimin e skemës së krimit në Kurbin ku u ekzekutuan Bujar Lika dhe Paulin Gjergjin, ku të paktën 3 persona janë identifikuar dhe shpallur në kërkim ndërkohë që Kreshnik Tusha u arrestua pak minuta pas ngjarjes ku edhe ai kishte mbetur i plagosur gjatë shkëmbimit të zjarrit, ka mohuar akuzat për përfshirje në ngjarje.
Ndryshe nga dy të tjerët, Kreshnik Tusha mbeti i plagosu jashtë hotelit pranë banesës së tij, ndërsa një skenë e tillë orët e para të ngjarjes krijoi konfuzion edhe në radhët e policisë dhe deklaratat e saj. Ndërkohë ky i fundit mësohet të ketë treguar para hetuesve se është qëlluar për shkak se autorët kanë dyshuar që iu kishte zënë pritë atyre.
(F.GJ/FAXWEB.AL)
Discussion about this post