Kreu i PDIU deklaroi tërheqjen nga politika nëse PD merr 5 deputetë në Vlorë, reagon Dashamir Tahiri: Një përgjigje për të ç’nderuarin Shpëtim Idrizi

I pesti i listës së PD në qarkun e Vlorës, Dashamir Tahiri ka reaguar pas deklaratës së fortë të kreut të PDIU i cili tha se do të tërhiqej nga politika nëse PD merr 5 mandate në Vlorë. 

“E quaj të çnderuar sepse do vinte të kandidonte në Vlorë dhe nuk e bëri. Ky është Shpëtimi, një njeri që nuk beson as veten për ato që thotë”,-shkruan Tahiri. 

Postimi i Dashamir Tahirit:

Nje pergjigje per te çnderuarin Shpetim Idrizi

Sot Shpetim Idrizi eshte shprehur ne nje emision se terhiqet nga politika nese ne Vlore do te dilnin 5 deputete nga Partia Demokratike.E quaj te çnderuar sepse do vinte te kandidonte ne Vlore dhe nuk e beri.Un e sfidova meqe e harroi dhe perseri nuk e beri….Pra ky eshte Shpetimi,nje njeri qe nuk beson as veten per ato qe thote. Kur PD do te marri 5 deputet ne Vlore,nuk do te jete nevoja ta mbaje fjalen ose jo sepse çamet jane lodhur duke e pare se si perfiton ne emer te tyre per interesa personale ,dhe votat e tyre do ta nxjerrin ne pensionin politik te parakohshem.

(M.D/Shuplaka)