Gjykata e Krimeve të Rënda ka dhënë masën “arrest shtëpie” për Ergys Faslinë. Faslia akuzohet se do të kryente sulm terrorist në Shkodër. Dy të dyshuarit e tjerë për të ngjarje janë liruar dy ditë më parë.
Ergys Faslia ishte mes personave që u arrestuan në Shqipëri dhe Kosovë pas një hetimi disamujor të policive të rajonit. Ata dyshohet se ishin pjesë e një rrjeti të gjerë të shtrirë edhe në Maqedoni dhe ndihmonin në rekrutimin e të rinjve për t’u bashkuar me ushtrinë e ISIS-it.30-vjeçari Ergys Faslia u arrestua nën akuzën e nxitjes së urrejtjes fetare dhe rekrutimit të personave për të luftuar përkrah ISIS.
Dekarata e nënës së tij:
“Ai është vetë i katërt, ka gruan me dy fëmijë që mban me punën e tij si berber. Ai nuk mund të mbajë fëmijët e tij e jo më të financojë për terrorizëm. Atë e kanë ndihmuar babai dhe vjehrri për të paguar taksat e dyqanit. Njerëzve u ka ardhur tepër keq. Ai nuk ka pasur e nuk ka probleme me askënd, se shkon në xhami nuk mund të quhet terrorist. Djalin s’e kam dëgjuar asnjëherë të flasë si përkrahës të ISIS. Ai ka shkuar, është falur në disa xhami këtu afër dhe personin tjetër të arrestuar, Bekimin, e ka pasur shok xhamie”, ka thënë ajo. (J.V/Faxweb)
Discussion about this post